التطبيق مهجور يمي ..يطلعلي بس هلازعاج مال هذا البيج

شلونكم ... عدلين ميتين ?

على طاري الافيون والمواد المخدرة..هاي أزمة المواد الأفيونية "عائلة ساكلر"Opioid Crisis "Sackler Family

حاليا بأمريكا اكو قضايا رافعيها سكان ١٢٠٠ مدينة ضد عائلة ساكلر الي عدها شركة صناعة وترويج أدوية بسبب إنتاجها لدوة معين بالتسعينات هذا الدوة هو مسكن ألالام قوي كلش و(يسبب الادمان سواء ادمان نفس الدوة أو الاستمرار علية أو أخذ جرعة زائدة او يؤدي بيك تحتاج تتطور لاستخدام مخدرات حقيقية) وهلسوالف تقتل لأنها تستهدف الأجزاء الي تكون مسؤولة عن التنفس بالدماغ وتخدرها إلى أن الإنسان يگطع نفس ويموت

بسبب الادمان على هدوة والاستعمال الخاطئ اله صارت ٢٠٠ الف حالة وفاة بسببة هسة تگول هو دوة عادي منو گاللهم استعملوا غلط؟
لأن الدوة تروج كدوة آمن لا يسبب إدمان وتروج كإنه أحسن وأأمن مسكن ألم

منو الي روج هلحچي؟ الشركة نفسها من خلال حملات إعلانية عن الدوة (وهي أول شركة بالعالم بدت سوالف إعلانات تجارية بالستينات والسبعينات) وهم چانت تسوي مؤتمرات مدفوعة التكاليف وية الأطباء بالعراقي يسموها "ديلات" يعرفون هل مصطلح جماعية الطبية والصيدلات علمود يوصفون هلدوة بالوصفات مالتهم
وچانت تسوي علاقات وية الأطباء وتفيدهم من خلال جريدة طبية (اول جريدة خاصة بالاطباء بامريكا) وتشهرهم وتطششهم في سبيل يمشولها الأدوية والي وصلت أرباح نوع هذا الدوة المسكن لمليار و ٦٠٠ مليون دولار بالسنة

هاي عائلة ساكلير هي عائلة يهودية أجدادها اجوي لامريكا بالعشرينات وصار عدهم ٣ ولد كلهم أطباء
وبالخمسينات أسسوا شركة الدوة هاي
هاي العائلة كونت ثروة تقدر ب١٣ مليار دولار وعقارات الها اول مالها تالي بيوت وقصور بامريكا وسويسرا وبريطانيا وغيرها (موقع money.com معدد أملاكهم وفلوسهم من الأجداد للاحفاد)
وهاي ال13 مليار ... 4 مليارات هي ارباح مباشرة لهذا الدوة المسكن الي تروج كدواء آمن بس هو يسبب إدمان

المهم هاي العائلة عدها دعم رهيب للفنون والمتاحف مئات ملايين الدولارات قدموها لعشرات المتاحف إضافة ل١٠٠٠ عمل فني اسيوي ... وواحد من هل متاحف اللوڤر
واللوڤر كتب اسم العائلة على قاعتين تجددت وتطورت (التبرع صار قبل ٢٠ سنة) بسبب تبرعاتهم ... بس بسبب هل أزمة غطى أسمائهم

وحاليا اكو حملة منع قبول التبرعات منهم واعادتها لأنه اعتبروها blood money او اموال دموية

وعدهم هم تبرعات لجامعة يال وغيرها
من الجدير بالذكر همة سنة ٢٠٠٧ هم انرفعت عليهم قضية وتغرموا 600 مليون دولار وهم قبل فترة قبل كم شهر مدعي عام ولاية أوكلاهوما رفع عليهم قضية وصارت تسوية أنه يدفعون 270 مليون دولار لانشاء مركز ابحاث ضد الادمان بجامعة أوكلاهوما
و75 مليون دولار للمركز الوطني لدارسة وعلاج الإدمان في جامعة ولاية أوكلاهوما.

وهسة عالگة عليهم

اما لو كانت هلحادثة في العراق واكو شركات أدوية هيچ تسوي شحدة الي يفك حلگة هو اذا داهن زردوم المثقفين والفنانين والفاشنستات وجماعة مكافحة الابتزاز البوخچية مثل هذولة چان الي يفكر يفك حلگة يطلعولة جماعة الكفشات من التشكيليين والشاعرات يدافعون ويبررون وطز بالناس وانتوا أعداء النجاح ومن هلخرط
اما الي لازمين الرأسمالية من طي...zها... فذولة ضيم ثاني ...
منو تعرفون من الاشخاص اللي ينتقد ومايوكع بهيج اخطاء ترويجية علمود فلوس وتعرض لتشويه وهجمات من غير #ابو_الاصفر ؟؟؟!

+3

هاي ٢ ملي گرام من الأفيون
هاي إذا اخذها معظم الناس حتعتبر ماخذين جرعة افيون عالية و يموتون
شوفها شگدوتها؟ مجرد ٢ ملي غرام

في حانب آخر من هذا العالم عود صايرة حملات ناشطين بالدول الغربية أن القصبات المستعملة ل"مص" العصير لازم نبطل نستعملها لأن هي مو صديقة للبيئة وتسبب تلوث
فأصحاب المطاعم جابوا قصبات معدنية كونها "مستدامة" ويعاد استخدامها
بس طلعت مشكلتين
الاولى أنه هي غالية وهواي زبائن ديبوگوها وأبو المطعم والكوفي ديخسر من يجيب جديدات يعوض المبيوگات
المشكلة الثانية وهي الأتعس هي أنه هاي القصبات المعدنية تحتاج تعدين وهواي ينصرف عليها طاقة وانبعاث حراري حتى يتحول المعدن الخام ويتصنع ك قصبات مص عصير بكميات كبيرة ... وهاي الطاقة والحرارة هم حتلوث البيئة ويصير انبعاث كاربون واحتباس حراري

خو شربوا بلا قصبة وفضوها
والنوب تعال هاي الگلاصات هم زجاج وتصنيعها حرارة واحتباس حراري وجرجر كلاوات ناشطين وبيئة وتمضرط يساري