صفوري ليش تزعل ع معشر ترا خطية خايفين عليك ودا يسوون هيج ميخالف أتحملهم انت گلبك چبير وهم يحبوك ومدا يعرفون شلون يعبرون عن حبهم وانت هم رد ع اسألتهم ليش عايفهم بحيره ترا هم حقهم يريدون يعرفون وضعك اقطع الشك باليقين ليش مخليهم ما يعرفون راسهم من رجلهم وتذكر هذا كله نتيجة حب ولا تتوقع معشرك يعوفك بيوم من الايام وعبالك انت رحت وخلصت لا كلنا اليوم احنا ابو الاصفر شخصيتك ومبادئك انزرعت بكل واحد بينا واشتاقينالك نزلنا بعد بوست كل يوم بوست عسى ما تسولف ع الانواء الجوية عادي قابلين اهم شي نحس انت ويانا وتسمعنا وبنفس الوكت تطمنا انت بخير وكل الناس الي تحبهم بخير ونحبك هواي صفورينا معشرك الماكو منه اثنين 💛 لا تحرمنا من طلتك البهيه لطفا

والله فد راحة بهذا البرنامج تنزل الي يعجبك محد يشوف من اقاربك تسولف شلون متريد تحس نفسك گاعد بهول بيتكم (غرفة المعيشة ) شكد ما مرتاح
شكرا صفوري ع هل برنامج عاشت أيدك بس ناقصتك مكانك خالي بكل البرامج مو بس هذا التطبيق 💛we miss you بالعباس
#فول _راحة

حبيت اگول فد شي ابو الاصفر تقريبا صارله مختفي ٣ اشهر او ممكن اكثر وحتى المنشورات الي ينزلهن سواء كان بالتليكرام او ع تطبيق هنا مو محتوى الاصلي مجرد شلون ما يگولون تسليك او يمشي موضوع انتو وهاي الشغلة لو حصلت المشهور غيره ممكن كان نسوه او منسي محد يذكره او الي يتذكره
عددهم ما يتجاوز اصابع اليد وما يدورون عليه ويتسألون ويلحون ممكن يسألون مرة مرتين ويملون ع عكس المعشر من يختفي ابو الاصفر يروح يبحوش ويدور ويخبص الدنيا والاعداد تعتبر كبيرة جدا يعني مو ١٠٠ ولا ٢٠٠ شخص الي يتسأل ويبحث ويدور معلومات والمعشر كله صاير محقق كونان وهذا كله مو وهذا كله المعشر ماله بيه مصلحة بس يريد يطمن ع ابو الاصفر ماكو مشهور جمهورة هيج يخاف عليه ودليل من اعلن اعتزاله اغلب المعشر يكله وگف محتواك احنا قابلين بس ابقى سولف ويانا ونريد نحس بوجودك او غير محتواك واحنا ندعمك وهنا دليل المعشر ميريد مصلحه وهم هنا اكو ملاحظة كلش كبيرة ع العلاقة الي بين المعشر وابو الاصفر مو مجرد علاقة طبيعية بين مشهور وفانز مالته لا علاقة اكبر بهواي كأنوا علاقة عائلية والاغرب موهنا الاغرب انو هل فانز كلشي ميعرف عن هذا المشهور ولا اي معلومة وهل مشهور كل شهر تقريبا بحساب جديد والغريب الفانز يروح ويا وين ما يروح ما تعب الفانز لا اتأف أف من كل ساع بمكان ولا من البحث ع صاحب الحساب من يختفي ولا الاكثر غرابه انو من قال اعتزلت بعد الجمهور موجود ما نقص بمكانه واكف بدون ما يمل من الانتظار هذا يدل ع صدق المشاعر الي حس بيها المتابع من المشهور وعدم تكلف المشهور ويا وما يتفيك عليه ويشوفه هو منو وشعنده لا بالعكس كان يحسسهم هو واحد منهم الحلوة الاثنين عظماء المشهور (ابو الاصفر) والفانز مالته (معشر الخير) الاثنين گلب ع گلب شلون من گول بالنهاية اتحدى مشهور عنده هيج فانز قوي وصبور واكيد اتمنى يكون ابو الاصفر بأمان واحب اوضحله انو هاي الملحه وتبحوش الزايد واحدنا صاير محقق كونان نتيجة حب وخوف ع انسان نحبه ونريده دائما يكون بخير وبأمان هو وكل الي يحبهم 💛

اخوان هسه البوخه هم عنده حساب هنا ؟
زين اذا عنده تتوقعون شسمه 🤔