شذى حسون صايره ترند بسبب النشيد الوطني احنا مالازم نلومها لان المهرجان كان مجرد استعراض ولا يربط العراق بشيئ لا تستغربوا اذا غنت النشيد الوطني خطأ لان حياتها كلها خلصتها خارج العراق لا تستغربوا من مهرجان مابي علماء او مثقفين لان هدفه كان عبارة عن استعراض اجساد وليس استعراض عقول او افكار .

#ابو_الاصفر

مشتاقلكم واسف ع الانقطاع ان شاء الله مستمرين وياكم بنشرالمعلومات القانونيه واي شي تحتاجو تكدرو تراسلوني خاص

#ابو_الاصفر

جدي يسولف يكول قبل الي يروح للمحكمة يعني هذا شخص مو زين لان المحاكم مابيها شي يفيد الناس بس الاذية والفضيحة ف يكول اذا اجاك شرطي للبيت ونطاك تبليغ هنا تعتبرفضيحة بالنسبه النا يكول مشاكلنا دائما نحلها ومحد يدري ومحد يسمع الزوجة اذا زعلت ماتحجي لأمها وابوها وتحاول تصلح اسرتها وتحل مشاكلها بكل عقليه رغم ماكان عدهم حرية تعبير وحرية فكر اصلا ماعدهم شي اسمه حرية شخصيه .. وهسه نشوف الاب يروح للمحكمة يركض مو علمود بنته لا علمود ياخذ النفقه والمهر اله من زوجها ياخذ اثاث الزوجيه ويبيعه والبنيه تزعل ع ابسط الامور والرجل صار يطلك ع اتفه الاسباب كل ماكاعد نطور كل ماكاعد نلغي قيمنا وعاداتنا كل ماكاعد ناخذ بمفهور الحرية كاعد نسجن اولادنا واهلنا بمشاكلنا .

#ابو_الاصفر

تابعوني اصدقائي حسابي مختص بنشر الثقافة القانونية 💜

الناس تاركة الامور المهمة ومركزين ابو الاصفر بنت ام ولد .. زين واذا كانت بنت بالعكس نفتخر بيها الافعال الي عملتها او عملها مو قليلة وساعد كثير من الناس .. شفت واحد مدري وحده كاتبه نضحك علينا طلع بنت طيب اذا تستنقص من المرأه ف اختك والدتك موجودات ولا تنسة زها حديد امراه واحتلت بلدان أوروبا والبلدان العربيه بتصاميمها وهندستها المعمارية لا تقيس على نوع جنسه وانما حاول تقيسه على افعاله.

#ابو_الاصفر

صباح الخير مشتاقلكم هواي اصدقائي واسف ع الانقطاع الي صار بسبب الانشغال .. كثير من الأصدقاء راسلوني بخصوص الزواج الثاني والاغلبية عدهم فكرة غير صحيحة هل الزوج مجبر على اخذ اذن الزوجة او موافقة الزوجة على الزواج الثاني .. حاليا لا يحتاج الزوج الى موافقة الزوجة على الزواج الثاني لكن في اقليم كردستان مطلوب الموافقة .. وركز في حال عدم اعلام الزوجة الاولى بالزواج الثاني فأن لها الحق بأقامة التفريق القضائي وهنا تاخذ كل حقوقها اضافة الى تعويض اما في حالة اعلامها واجت وماوافقت ف مايهم هلشي يعني الموافقة غير مهمه بس المهم يكون عدها خبر بهذا الشي الموافقة ترجع للمحكمة بعد مايكشفوا عن المقدرة المالية والبدنية وبعدها يعطوا للزوج الاذن بالزواج الثاني .

#ابو_الاصفر
تابعوني اصدقائي لان حسابي مختص بنشر الثقافة القانونية 💙