هالكلام بس للمعشر القديم والاصلي اللي متابع ابو الاصفر من سنين
لان يعرف اسلوب ابو الاصفر ومن يحجي اي شي مو بس كلام لازم الا دليل ينطي وهذا من حق المقابل وكلامة نقطة راس سطر مو مثل هسة بس يريد يقنع المقابل هاي شغلة ؛ شغلة ثانية الاملاء وشي ثالث ميخلي اي شخص بحيرة او يسأل سؤال وميجاوبة ، اذا عليه ممكن مأخوذة منه القناة ومحد يكدر يسوي شي ؛ او يمكن بي شي لا سامح الله او مهددي وحتى كريم ، كريم شخص حاله من حالنا يعرفه بس ع المواقع وميعرف شخصية ابو الاصفر الحقيقية وماعنده صلة معرفة بيه ف اذا مخترقين او مهددين ابو الاصفر ومنتحلين شخصيته ويحجون ويه كريم علساس هو ابو الاصفر ف كريم شمدري بعد؟ هم معذور
واخير شي ابو الاصفر ماممكن يمسح رسائل بس علمود اختلفنا وياه بالرأي او سألناه اسئلة ممجاوبنا عليها لان ابو الاصفر يجاوب الاسئلة قبل لتنطرح عليه
اختفى فترات طويلة وهو كايل قبل من اختفي يكون صايرلي شي وتهدد قبل ورادوا يقتلوه وجاية الطلقة بصديقه ،
كل المشاهير بالعراق اللي انتقدهم هو همة ناس خطيرين وممكن اي شي يطلع من عدهم
اني من اكول هيج لان اني اكثر وحدة تحب ابو الاصفر وكأنو تعرفه معرفة شخصية واتمنى هاللحظة قبل الجاية ابو الاصفر يكول اني فعلا بخير وهاي اني ويثبتلنا انو هاي هو فعلا
مو اسوي هيج علمود تشكيك لو اطلع كونان اللي بداخلي مثل ميكولون البعض او اصير مشوشة وعدوة .
اذا هذا الكلام انمسح اني اتأكد مليون بالمية كلامي صح لان مذكرت اسم اي شخص مشهور حتى ينحذف كلامي مثل ماصار بالتلي
ودعواتي اله يكون بخير والله يحميه وين ميكون ويبعد عنه الشر والناس الموزينة